मराठा समाजाचा ‘महाराष्ट्र बंद’ मागे

मुंबई | आरक्षणाच्या मागणीसाठी विविध मराठा संघटनांनी 10 ऑक्टोबर रोजी ‘महाराष्ट्र बंद’चा इशारा दिला होता. मात्र आरक्षणासाठी पुकारलेला हा बंद मागे घेण्यात आलाय. यासंदर्भात मराठा सकल महासंघाचे अध्यक्ष सुरेश पाटील म्हणाले, सरकारने अनेक मागण्या मान्य केल्या आहेत. यामुळे उद्याचा बंद मागे घेण्यात आला आहे. रात्री उशिरा आमची मुख्यमंत्री आणि उपमुख्यमंत्र्यांसोबत बैठक झाल्याचं पाटील यांनी सांगितलं. झालेल्या बैठकीमध्ये मराठा समाजाच्या प्रतिनिधिंनी या विषयावर सविस्तर चर्चा केली आणि बंद मागे घेण्याचा निर्णय घेतला.