सहयाद्री देवराईच्या वतीने दगडूशेठ हलवाई गणपती भक्तांना ‘ वृक्ष गणेश प्रसाद

पर्यावरण संवर्धनाच्या उपक्रमास गुढीपाडव्यापासून प्रारंभ

पुणे : ऑनलाईन परिवर्तनाचा सामना -पर्यावरण संवर्धन क्षेत्रात कार्यरत सहयाद्री देवराई संस्थेच्या वतीने, श्रीमंत दगडूशेठ हलवाई सार्वजनिक गणपती ट्रस्टच्या सहकार्याने अभिषेक करणाऱ्या गणेशभक्तांना ‘ वृक्ष गणेश प्रसाद ‘ उपक्रमाद्वारे पर्यावरण संवर्धनाची प्रेरणा दिली जाणार आहे. भाविकांनी ही प्रसादरुपी रोपे आपल्या घरी,सोसायटीत, शेतात लावावीत ,आयुष्यभर लाभ घ्यावा, अशी ही संकल्पना आहे, असे सहयाद्री देवराई चे संस्थापक अभिनेते सयाजी शिंदे , दगडूशेठ ट्रस्ट चे कोषाध्यक्ष महेश सुर्यवंशी , विश्वस्त अक्षय गोडसे, उपाध्यक्ष सुनील रासने यांनी पत्रकाद्वारे सांगीतले. बेल, शनी, मंदार,जास्वंद, बकुळ ही रोपे अभिषेकाला येणाऱ्या भाविकांना पूजेचा प्रसाद म्हणून दिली जाणार आहेत.गुढीपाडव्याला २ एप्रिलपासून , सकाळी साडेअकरा वाजता या उपक्रमाला प्रारंभ होणार आहे. यावेळी संयोजक,विश्वस्त, गणेशभक्त उपस्थित राहतील