चिंचवड विधानसभा बंडखोर ”नाना काटे” यांची माघार….
(ऑनलाइन न्यूज परिवर्तनाचा सामना) चिंचवड विधानसभा मतदारसंघातून महायुतीचे बंडखोर नेते अजित पवारांचे निकटवर्तीय नाना काटे यांनी उमेदवारी अर्ज मागे घेतला आहे. नाना काटे यांना काही दिवसांपूर्वीच राज्याचे उपमुख्यमंत्री अजित पवारांनी भेट घेऊन बंडखोरी शमवण्याचा प्रयत्न केला होता.
महाविकास आघाडीचे नेते यांनी देखील नाना काटे यांच्याशी संपर्क साधून उमेदवारी मागे घेण्याबाबत चर्चा केली होती. याबाबत स्वतः काटे यांनी माहिती दिली. तसेच आज उमेदवारी अर्ज मागे घेण्याचा शेवटचा दिवस असल्याने महायुतीचे अधिकृत उमेदवार शंकर जगताप यांनी देखील नाना काटे यांची भेट घेतली.
अखेर माजी नगरसेवकांसोबत काटे यांनी बैठक घेऊन निवडणुकीतून माघार घेत असल्याचं स्पष्ट केल आहे. त्यामुळे शरद पवार गटाचे राहुल कलाटे विरुद्ध भाजपचे शंकर जगताप अशी थेट लढत होणार आहेचिंचवड विधानसभा मतदारसंघातून अखेर बंडखोर नाना काटे यांनी माघार घेतली आहे.
उमेदवारी अर्ज मागे घेण्याचा आजचा शेवटचा दिवस होता. सकाळपासूनच नाना काटे हे निवडणूक लढण्यावर ठाम होते. परंतु, दुसरीकडे अजित पवारांचा निर्णय हा अंतिम असल्याचे देखील नाना काटे यांनी म्हटलं होतं. त्यामुळे नाना काटे ही निवडणूक लढणार का? याकडे सगळ्यांचे लक्ष होतं. राहुल कलाटे हे चिंचवड विधानसभेसाठी चौथ्यांदा नशीब आजमावत आहेत. तर शंकर जगताप हे पहिल्यांदाच विधानसभा लढवत आहेत.
