मुख्यमंत्री सौर कृषिपंप  योजनेत  मार्च अखेरपर्यन्त ५० हजार शेतकऱ्यांना  वीजजोडणी द्यावी

मुंबई दि. २४ जानेवारी २०१९ :-

मुख्यमंत्री सौर कृषिपंप योजनेत मार्च २०१९अखेरपर्यन्त ५० हजार शेतकऱ्यांना वीजजोडणी द्यावी.आदिवासी भागात वीजजोडणीची मागणी करणाऱ्यासर्व शेतकऱ्यांना प्राधान्याने वीजजोडणी द्यावी. तसेच यायोजनेच्या प्रभावी अंमलबजावणीसाठी पालकमंत्री,जिल्हापरिषद अध्यक्ष व स्थानिक लोकप्रतिनिधींशीप्रत्यक्ष संपर्क साधावा, असे निर्देश ऊर्जामंत्री ना.श्री.चंद्रशेखर बावनकुळे यांनी नागपूर येथे दिले. यावेळीत्यांच्याहस्ते शेतकऱ्यांसाठी तयार करण्यात आलेल्यामार्गदर्शक पुस्तिकेचे प्रकाशनही करण्यात आले. हीमार्गदर्शन पुस्तिका शेतकऱ्यांसाठी अत्यंत उपयुक्त ठरेल,असा विश्वास ऊर्जामंत्र्यांनी व्यक्त केला.

या प्रकाशन समारंभात प्रधान सचिव (ऊर्जा)श्री. अरविंद सिंह व महावितरणचे अध्यक्ष वव्यवस्थापकीय संचालक श्री. संजीव कुमार व्हिडीओकॉन्फेरेसिंगच्या माध्यमातून सहभागी झाले होते.याप्रसंगी श्री. संजीव कुमार यांनी योजनेच्यायशस्वीतेसाठी व शेतकऱ्यांना ऑनलाईन अर्जाच्यासंदर्भात मदत करण्यासाठी स्थानिक कार्यालयात एकापूर्णवेळ अधिकाऱ्याची नियुक्ती करावी, असे निर्देश सर्वमुख्य अभियंत्यांना दिले.

शेतकऱ्यांसाठी तयार करण्यात आलेल्यामार्गदर्शन पुस्तिकेत योजनेबाबतची संपूर्ण माहिती, पात्रलाभार्थ्यांसाठी अर्ज करण्याची पध्दत, अर्जासोबतआवश्यक कागदपत्रांची माहिती, कृषिपंप लावण्यासाठीजागेच्या निवडीबाबतची माहिती, सौर कृषीपंपलावण्याचे फायदे तसेच त्यासाठी अर्जदाराने भरावयाचीरक्कम इत्यादि महत्वपूर्ण माहिती देण्यात आली आहे.यासोबतच शेतकऱ्यांच्या मनात आलेल्या विविध शंकांचेनिरसन माहिती पुस्तिकेद्वारे करण्यात येईल.

राज्यातील शेतकऱ्यांना दिवसाही सिंचनासाठीवीज उपलब्ध व्हावी, यासाठी राज्य सरकारने मुख्यमंत्रीसौर कृषिपंप योजना जाहीर केली असून या योजनेचीअंमलबजावणी महावितरणतर्फे करण्यात येत आहे.शेतकऱ्यांना कृषिपंपाकरिता वीजजोडणी घेण्यासाठीमहावितरणच्या वेबसाईटवर स्वतंत्र पोर्टल उपलब्धकरून देण्यात आले असून त्याचा लाभ घेत दि. २३जानेवारी २०१९ पर्यन्त राज्यातील सुमारे २ हजार १९०शेतकऱ्यांनी सौर कृषिपंपासाठी अर्ज केले आहेत. या योजनेचा लाभ जास्तीत जास्त शेतकऱ्यांनी घ्यावा, असेआवाहन महावितरणने केले आहे.