पुणे उद्योजक गौतम पाषाणकर यांच्यासह तिघांवर शिवाजीनगर पोलिस ठाण्यात गुन्हा दाखल

पुणे : खराडी येथील ‘प्रॉक्सिमा क्रिएशन बिल्डिंग कन्स्ट्रक्शन’मधील सी बिल्डिंगमध्ये पी १०१ व १०२ या सदनिकांची खरेदी करण्याचे ठरविले. त्यांची दोन कोटी ८७ लाख रुपये किंमत ठरविण्यात आली. तसा लेखी करारनामा करण्यात आला. तक्रारदार यांचा विश्वास संपादन करून त्यांच्याकडून दोन कोटी ४० लाख रुपये घेतले. मात्र, त्यानंतर त्यांनी मिळकतीचा ताबा व नोंदणीकृत दस्त न करता पी १०२ या सदनिकेचे खरेदीखत सुशील झोररतर्फे कुलमुख्यत्यार म्हणून मनीषा गोदर (रा. रेंजहिल्स) व पी १०१ ही सदनिका गणेश शिंदे (रा. वडगाव शेरी) यांच्या नावावर करून दिली.

 यांच्यासह तिघांवर दोन कोटी ४० लाख रुपयांची फसवणूक केल्याप्रकरणी शिवाजीनगर पोलिस ठाण्यात गुन्हा दाखल करण्यात आला आहे. लॉकडाउनच्या काळात बांधकाम व्यवसायात तोटा झाल्याने देणेकऱ्यांच्या तगाद्याला वैतागून गौतम पाषाणकर यांनी आत्महत्या करीत असल्याची चिठ्ठी लिहून घर सोडल्याने एकच खळबळ उडाली होती.

या प्रकरणी नरेंद्र पाटील (वय ४२, रा. सिल्व्हर स्प्रिंग सोसायटी, पंचवटी, नाशिक) यांनी तक्रार दिली आहे. त्यानुसार दीप पुरोहित (रा. कल्याणीनगर), गौतम पाषाणकर आणि रिनल पाषाणकर (रा. शिवाजीनगर) अशी गुन्हा दाखल केलेल्यांची नावे आहेत. हा प्रकार जानेवारी २०१९पासून आतापर्यंत सुरू आहे. याबाबत तक्रारदार यांनी त्यांना जाब विचारला असता त्यांनी आठ जून २०२० रोजी

तक्रारदार यांना जंगली महाराज रस्ता येथील पाषाणकर ग्रुपच्या कार्यालयात बोलाविले. तेथे त्यांनी व त्यांच्या नोकरांनी मारहाण करून पाटील यांचा उजवा पाय फ्रॅक्चर केला, असे तक्रारीत म्हटले आहे. त्यावरून गौतम पाषाणकर यांच्यासह तिघांवर पोलिसांनी विविध कलमांखाली गुन्हा दाखल केला आहे. देणेकऱ्यांच्या तगाद्यातून नैराश्य आल्याने आत्महत्या करीत असल्याची चिठ्ठी लिहून २१ ऑक्टोबर २०२० रोजी उद्योजक गौतम पाषाणकर घर सोडून निघून गेले होते. यामुळे पुण्यासह राज्यात खळबळ माजली होती.

ते पुण्यातून कोल्हापूरसह दक्षिणेतील अनेक शहरांत फिरले. त्यानंतर ते दिल्लीहून जयपूरला गेले होते. तेथे ते एका हॉटेलमध्ये उतरल्याची माहिती गुन्हे शाखेला मिळाली. जयपूरला जाऊन सुमारे ३३ दिवसांनी गौतम पाषाणकर यांना त्यांनी ताब्यात घेतले. त्यानंतर त्यांना पुण्यात आणून कुटुंबीयांच्या स्वाधीन केले होते. पोलिसांनी त्यांना परत आणल्यानंतरही आतापर्यंत पाषाणकर यांनी पैसे परत न दिल्याने शेवटी नरेंद्र पाटील यांनी फसवणुकीची तक्रार दिली आहे.