राज्यातील 1 हजार 135 एसटी कर्मचारी निलंबित, सर्वाधिक पुणे विभागातील कर्मचारी निलंबीत
पुणे : आपल्या प्रलंबित मागण्या पूर्ण करण्यासाठी एसटी कर्मचार्‍यांनी गेल्या तीन दिवसांपासून काम बंद आंदोलन सुरू केले आहे त्यामुळे शासनाने हे आंदोलन दडपण्यासाठी हालचाली सुरू केल्यात गुरूवारीच राज्यातील 1 हजार 135 एसटी कर्मचारी निलंबित केले आहेत. यात सर्वाधिक पुणे विभागातील 148 कर्मचारी निलंबीत करण्यात आले आहेत त्याचाच भाग म्हणून गेल्या दोन दिवसांपासून राज्यभरात एसटीचे कर्मचारी निलंबित करण्यात येत आहेत.
त्याचबरोबर बुधवारपासून राज्यातील एसटी स्थानकामधून खासगी बस वाहतूक सुरू करण्यात आली आहे. एसटीच्या पुणे विभागातील 13 डेपोंमधील 148 कर्मचाऱ्यांचे गुरूवारी रात्री उशिरा निलंबन करण्यात आले. यामध्ये स्वारगेट, शिवाजीनगर (वाकडेवाडी), पुणे स्टेशन, पिंपरीतील वल्लभनगर, राजगुरूनगर, नारायणगाव, भोर, शिरूर, इंदापूर, बारामती, बारामती एमआयडीसी, सासवड, दौंड या एसटी डेपोतील कर्मचार्‍यांचा समावेश आहे
- पुणे – 148
- औरंगाबाद – 15
- जालना – 13
- बीड – 67
- लातूर – 5
- उस्मानाबाद – 22
- परभणी – 5
- मुंबई – 64
- पालघर – 57
- रायगड – 36
- रत्नागिरी- 27
- ठाणे – 73
- भंडारा – 18
- गडचिरोली – 34
- नागपूर- 30
- वर्धा – 02
- कोल्हापूर -15
- सांगली – 44
- सातारा – 5
- सोलापूर – 5
- अहमदनगर – 20
- धुळे – 54
- जळगाव – 91
- नाशिक – 54
- अकोला -66
- अमरावती – 50
- बुलडाणा – 40
- यवतमाळ -56
- चंद्रपूर – 5
दरम्यान, बारामतीत एसटीच्या संपामुळे प्रवाशांची गैरसोय सुरुच आहे. खासगी वाहनांद्वारे प्रवाशी वाहतूकीला बस स्थानकातून प्रारंभ झाला. परंतु एसटीची त्यामुळे बरोबरी होवू शकत नसल्याचे प्रवाशांचे म्हणणे आहे. खासगी वाहने पूर्ण क्षमतेने भरल्याशिवाय हलत नाहीत. शिवाय पुढे रस्त्यात अनेक प्रवाशी कोंबून भरले जात आहेत. त्यामुळे प्रवाशांचा जीव टांगणीला लागतो आहे. शाळा सुरु झाल्याने शालेय विद्यार्थ्यांचेही मोठे हाल होत आहेत.