शहरातील कुत्र्यांना वाघासारखा रंग देण्याची मागणी:राष्ट्रवादी पदवीधर संघाची महापौर माई ढोरे यांच्याकडे मागणी
शहरात सुशोभीकरणाच्या नावाखाली झाडांना रंगरंगोटी सुरू आहे.
प्रत्येक झाडाच्या सभोवती किमान ५० जीवांचे अस्तित्व असते. त्या जीवांना या रंगामुळे धोका निर्माण होऊ शकतो.
सुशोभीकरणाच्या नावाखाली झाडांचा सन्मान हिरावून घेऊ नका असे राष्ट्रवादी पदवीधर संघाचे शहर अध्यक्ष माधव धनवे पाटील आपल्या निवेदनात म्हणाले. तसे निवेदन त्यांनी पिंपरी चिंचवड चे महापौर माई ढोरे यांना दिले.
पुढे माधव पाटील असेही म्हणाले की झाडांना रंगरंगोटी चुकीची वाटत नसेल तर शहरातील सर्व कुत्र्यांना वाघासारखा रंग देण्यात यावा.
पर्यावरणाचे रक्षण व्हावे आणि झाडांना सन्मान मिळावा हा हेतू या निवेदनामागे असल्याचे माधव पाटील यांनी सांगितले.
महापौरांनी सुद्धा यावर तत्काळ कारवाई करण्यात येईल,तसेच ही रंगरंगोटी थांबवण्यात येईल असे आश्वासन दिले.
