पिंपरी चिचवड महापालिकेच्या उपायुक्त, सहाय्यक आयुक्त यांच्या अंतर्गत बदल्या,प्रशासन उपायुक्त सुभाष इंगळे, सहाय्यक आयुक्त राजेश आगळे यांची बदली, आयुक्त राजेश पाटील यांचा मोठा निर्णय

पिंपरी चिचवड महापालिकेच्या उपायुक्त, सहाय्यक आयुक्त यांच्या अंतर्गत बदल्या

आयुक्त राजेश पाटील यांचा मोठा निर्णय

पिंपरी ( प्रतिनिधी ) पिंपरी चिंचवड महापालिकेचे आयुक्त राजेश पाटील यांचा प्रशासनातील बदल करून सत्ताधारी उपायुक्त आणि सहाय्यक आयुक्त यांच्या खात्याअंतर्गत फार मोठे बदल केले आहेत

सहाय्यक आयुक्त राजेश आगळे यांच्याकडील प्रशासन काढून केवळ ‘इ’ क्षेत्रीय कार्यालयाचा पदभार ठेवला आहे. तर, सहाय्यक आयुक्त अण्णा बोदडे यांच्याकडील जनता संपर्क विभागाची जबाबदारी प्रशासन विभागाचे सहाय्यक आयुक्त वामन नेमाने यांच्याकडे सोपविली आहे. आयुक्त राजेश पाटील यांनी हे फेरबदल केले आहेत.
पिंपरी-चिंचवड महापालिकेचे आयुक्त राजेश पाटील यांनी उपायुक्त, सहाय्यक आयुक्तांच्या कामकाजाचे फेरवाटप केले. निवडणूक विभागाचे सहाय्यक आयुक्त बाळासाहेब खांडेकर यांच्याकडे प्रशासनाचा अतिरिक्त पदभार दिला. तर, आकाशचिन्ह परवाना विभागाचे सहाय्यक आयुक्त निलेश देशमुख यांच्याकडे करसंकलन विभागाची जबाबदारी सोपविली आहे.

उपायुक्त सुभाष इंगळे यांच्याकडील प्रशासन विभाग काढून केवळ उद्यान विभागाची जबाबदारी ठेवली आहे. उपायुक्त स्मिता झगडे यांच्याकडील
करसंकलन व कर आकारणी विभागाचा पदभार काढून त्यांच्याकडे एलबीटी आणि पशु वैद्यकीय विभाग सोपविला आहे.

महापालिका आयुक्त राजेश पाटील यांना महापालिकेत रुजू होऊन फेब्रुवारी महिन्यात एक वर्षे पूर्ण होत आहे. आयुक्तांना प्रशासनाचा चांगलाच अंदाज आला आहे. काही अधिकाऱ्यांनी आयुक्तांचा विश्वास संपादन केला आहे. त्यापार्श्वभूमीवर आयुक्त राजेश पाटील यांनी आज (बुधवारी) उपायुक्त, सहाय्यक आयुक्तांच्या कामकाजाचे फेरवाटप केले आहे.

सहाय्यक आयुक्त बाळासाहेब खांडेकर यांच्याकडे निवडणूक विभाग, दक्षता समितीचा प्रशासकीय कार्यभार कायम ठेवत प्रशासनाचा अतिरिक्त पदभार दिला. सहाय्यक आयुक्त निलेश देशमुख यांच्याकडे आकाशचिन्ह परवाना विभागासह करसंकलन विभागाची अधिकची जबाबदारी दिली..