मुंबई पोलिसांकडून प्रवीण दरेकर यांच्यावर गुन्हा दाखल….

मुंबई जिल्हा मध्यवर्ती सहकारी बँकेच्या निवडणुकीत मजूर वर्गातून निवडणूक लढवणारे भाजप नेते प्रवीण दरेकर यांना मोठा झटका बसला आहे. या प्रकरणात मुंबई पोलिसांकडून प्रवीण दरेकर यांच्यावर गुन्हा दाखल करण्यात आला आहे. मुंबई बँकेची मध्यवर्ती शाखा फोर्ट परिसरात असल्याने तेथील माता रमाबाई आंबेडकर मार्ग पोलीस ठाण्यात हा गुन्हा नोंदवण्यात आला आहे

मजूर म्हणून दरेकर ठरले अपात्र, आता म्हणतात कुभांड रचणाऱ्या अधिकारी, राजकीय पुढाऱ्याची सीबीआय चौकशी लावणार मुंबै जिल्हा बँकेच्या निवडणुकीत प्रवीण दरेकर मजूर आणि नागरी सहकार बँक अशा दोन्ही वर्गातून निवडून आले होते. मात्र, निवडणुकीचा निकाल अधिकृतपणे जाहीर होत असतानाच दरेकर यांना मजूर वर्गासाठी अपात्र घोषित करण्यात आले.

निकाल जाहीर झाल्यानंतर प्रवीण दरेकर यांनी मजूर प्रवर्गातील संचालकपदाचा राजीनामा दिला होता. मात्र, सहकार विभागाने या प्रकरणाची चौकशी सुरुच ठेवली होती. दरेकर यांनी ज्या मजूर संस्थेचे प्रतिनिधी म्हणून मुंबै बँकेची निवडणूक लढविली होती त्या प्रतिज्ञा मजूर संस्थेत ते रंगारी असल्याचे दाखवण्यात आले होते. त्यामुळे आता हा वाद न्यायालयात गेल्यास प्रवीण दरेकर कशाप्रकारे आपली बाजू मांडणार, हे पाहावे लागेल

. सिंधुदुर्गानंतर मुंबै जिल्हा बँकेतही भाजपचा डंका, दरेकांच्या नेतृत्त्वाखाली सहकार पॅनेलचा दणदणीत विजयगेली अनेक वर्षे दरेकर हे बँकेचे अध्यक्ष असून मजूर या वर्गातूनच ते निवडून येत आहेत. मजूर सहकारी संस्थांच्या उपविधित मजुराची व्याख्या दिलेली आहे. अंगमेहनत करणारी व्यक्ती ही मजूर म्हणून गणली जाते. शारीरिक श्रमातून मजुरी करणारा असला पाहिजे, असेही या उपविधीत नमूद आहे.

त्यामुळे प्रवीण दरेकर कोणत्या अंगाने मजूर वर्गात मोडतात, हा प्रश्न उपस्थित झाला होता. त्यानंतर सहकार विभागाने नुकतीच प्रवीण दरेकर यांना नोटीस पाठवून ‘मजूर असल्याचे सिद्ध करा’, असे आदेश दिले होते.

.

यानंतर भाजपचे नेते आक्रमक झाले आहेत. राज्य सरकारने सूडबुद्धीने ही कारवाई केल्याचा आरोप भाजपकडून केला जात आहे. या प्रकरणात आता प्रवीण दरेकर यांच्यावर काय कारवाई होणार, ते पाहावे लागेल.

यादरम्यान अनेक रंजक गोष्टी समोर आल्या होत्या. सहकार विभागाने याचा तपास सुरु केला. तेव्हा प्रतिज्ञा मजूर संस्थेची कामवाटप वही सापडली. यामध्ये सभासदांच्या हजेरीची नोंद आहे. या वहीत चक्क प्रवीण दरेकर यांचे नाव आढळले आहे.

दरेकर यांनी मजुरीपोटी रोख रक्कम घेतल्याची नोंद आहे. एप्रिल २०१७ मध्ये दरेकर यांनी ३० दिवस मजुरीचे काम केले. त्यांना प्रतिदिन ४५० रुपयांप्रमाणे एकूण १३५०० रुपयांचा मेहनताना मिळाला. नोव्हेंबर २०१७ मध्ये दरेकर यांनी २० दिवस मजुरीचे काम केले. त्यांना प्रतिदिन ४५० रुपयांप्रमाणे एकूण ९००० हजार रुपयांचा मोबदला मिळला. त्यानंतर दरेकर यांनी डिसेंबर २०१७ मध्ये १० दिवस मजुरीचे काम केले. या कामासाठी प्रतिदिन ३२५ रुपयांप्रमाणे एकूण ३२५० रुपयांचा मेहनताना मिळाला. ही एकूण रक्कम २५७५० रुपये इतकी आहे. त्यावर सुपरवायझरच्या सह्या आहेत.