विज्ञान नाटक कार्यशाळेचे उद्घाटन—सावरकर अध्यासन केंद्र आणि मॅप एपिक चा संयुक्त उपक्रम
विज्ञान नाटक कार्यशाळेचे उद्घाटन———————सावरकर अध्यासन केंद्र आणि मॅप एपिक चा संयुक्त उपक्रम ………………………………….वैज्ञानिक दृष्टीकोण निर्माण करणे गरजेचे : नंदन कुंद्यादीपुणे :स्वातंत्र्यवीर सावरकर अध्यासन केंद्र आणि मॅप एपिक कम्युनिकेशन्स यांच्या वतीने आयोजित ‘विज्ञान आख्यान’ या विज्ञान-नाटक विषयक कार्यशाळेचे उद्घाटन १५ एप्रिल रोजी सायंकाळी ४ वाजता राष्ट्रीय पुरस्कार विजेते विज्ञान चित्रपट दिग्दर्शक नंदन कुध्यादी यांच्या हस्ते , विज्ञान भारतीच्या पश्चिम महाराष्ट्र सचिव डॉ. मानसी माळगावकर मॅप एपिक कम्युनिकेशन्स प्रा.लि. चे संस्थापक मंदार नामजोशी, तसेच मुग्धा वाड यांच्या उपस्थितीत झाले.
१५ एप्रिल ते १५ मे दरम्यान ही कार्यशाळा दररोज ४ ते ६ या वेळात होणार आहे. वैज्ञानिक शोधांचा प्रवास नाट्यातून मांडण्याबाबत मार्गदर्शन करण्यात येणार आहे. या कार्यशाळेत अभिनय कौशल्य,विज्ञान कथा,नवीन तंत्रज्ञान यावर चर्चा करण्यात येणार आहे.विज्ञान नाटिकांचे लिखाण,दिग्दर्शन यावर मार्गदर्शन करण्यात येणार आहे.निवडक नाटिकांचे सादरीकरण करण्यात येणार आहे.९ वर्षांपुढील वयोगटासाठी ही कार्यशाळा असून सुनील चौधरी,मंदार पटवर्धन, अश्वीनी ओक हे प्रशिक्षक मार्गदर्शन करणार आहेत. नंदन कुंद्यादी म्हणाले, ‘समोर दिसणाऱ्या दृश्या पलीकडे पाहायला शिकवले पाहिजे. साचेबद्धपणे विचार करणे सोडले पाहिजे.
निसर्गात विज्ञान आहे, त्यातून शिकत राहिले पाहिजे. नाटकाच्या माध्यमातून वैज्ञानिक शोधांचा प्रवास शोधण्याने विज्ञानाची अनुभूती घेणे शक्य आहे. त्यातून गणित, शास्त्र शिकता येईल. विज्ञानाच्या पायाभूत गोष्टींकडे लक्ष देता येईल. या कार्यशाळेत मुलांना केतकी गोडबोले (भरतमुनीचे नाट्यशास्त्र),मंदार परळीकर(सावरकर आणि विज्ञान),दिगपाल लांजेकर(छत्रपती शिवराय आणि विज्ञान) या विषयावरील मार्गदर्शन मिळणार आहे.
रामानुजन यांच्यावर नंदन कुध्यादी यांनी केलेला राष्ट्रीय पुरस्कार विजेता माहितीपट दाखवला जाणार आहे.स्वातंत्र्यवीर सावरकर अध्यासन केंद्रचे कार्यवाह महेश पोहनेरकर,उपाध्यक्ष धनंजय काळे , पराग गाडगीळ तसेच मॅप एपिक कम्युनिकेशन्स प्रा.लि. च्या निर्मिती नामजोशी, समीर बापट, अवधूत गोडबोले असे अनेक मान्यवर सभागृहात उपस्थित होते. वैशाली लोखंडे यांनी सूत्रसंचालन केले. प्राची लांडगे यांनी आभार मानले…………………………..