पुणे पोलिस आयुक्तांनीही धार्मिक तेढ निर्माण होणाऱ्या कार्यक्रमांना प्रतिबंध घालावा- RPI

पुणे – ‘रिपाइं’च्या वतीने पोलिस आयुक्त गुप्ता यांना देण्यात आले. ‘रिपाइं’चे शहराध्यक्ष शैलेंद्र चव्हाण, माजी उपमहापौर डॉ. सिद्धार्थ धेंडे, संपर्कप्रमुख अशोक कांबळे, माजी अध्यक्ष अशोक शिरोळे यांनी गुप्ता यांची भेट घेऊन अशा कार्यक्रमांना परवानगी न देण्याची आग्रही मागणी केली

मशिदीच्या परिसरात अजानच्या वेळेला कुठल्याही प्रकारची भक्तिगीते, प्रार्थना किंवा धार्मिक तेढ निर्माण होणारे कार्यक्रम ध्वनिवर्धकावर लावण्यास बंदी घालावी. तसेच, ध्वनिवर्धकावरून अजान म्हणताना त्याचाही आवाज घालून दिलेल्या मर्यादेत असावा. राजकीय वक्तव्य, प्रक्षोभक भाषणे करण्यास प्रतिबंध घालावा. दोन समाजात वाद निर्माण करणाऱ्यांवर कठोर कारवाई करावी आणि धर्मनिरपेक्षतेचे, शांततेचे जतन करावे, असे आवाहन ‘रिपाइं’च्या वतीने करण्यात आले आहे.राज्यात काही पक्ष, संघटना जाती-धर्मांत तेढ निर्माण करून अशांतता पसरविण्याचा कुटिल डाव रचत आहेत. त्याला वेळीच आळा घालण्यासाठी नाशिक पोलिसांप्रमाणे पुणे पोलिस आयुक्तांनीही धार्मिक तेढ निर्माण होणाऱ्या कार्यक्रमांना प्रतिबंध घालावा, अशी मागणी रिपब्लिकन पार्टी ऑफ इंडियाच्या वतीने करण्यात आली.