पिंपरी-चिंचवड शहरातील दिव्यांग ऑनलाईन प्रमाणपत्र महापालिकेच्या वाटप होणार

पिंपरी :दिव्यांग व्यक्तींना सहाय्य करणार्या संस्थांनी पुढाकार घेवून जास्तीत जास्त दिव्यांग व्यक्तींची माहिती संकलित करण्याच्या दृष्टीने सहाय्य करावे. याबाबत पालिकेच्या सर्व आठही क्षेत्रीय कार्यालयांमध्ये एक खिडकी योजना सुरु करण्यात येणार आहे. दिव्यांग नागरिकांनी त्यांच्यासाठी उपलब्ध असलेल्या सर्व योजनांचा लाभ घ्यावा, .गांधीनगर, पिंपरी येथील ज्ञानज्योती सावित्रीबाई फुले स्मारक येथे दिव्यांगांना ऑनलाईन प्रमाणपत्र व ओळखपत्र वाटप करण्यात येणार आहे, अशी माहिती आयुक्त तथा प्रशासक राजेश पाटील यांनी दिली

.राज्य शासनाकडील पुणे दिव्यांग आयुक्तालयाच्या निर्देशानुसार दिव्यांग व्यक्तींचे राहणीमान उंचविण्याचे दृष्टीने त्यांना आवश्यक असलेल्या सहाय्याचे स्वरूप निश्चित करण्यासाठी शहरातील दिव्यांग व्यक्तींची माहिती संकलित करण्यात येणार आहे.शहरातील दिव्यांग व्यक्तींचे सर्वेक्षण करण्यासाठी स्वतंत्र लिंक तयार करण्यात आली आहे. त्याद्वारे त्यांचे सर्वेक्षण करण्यात येणार आहे. या लिंकची माहिती महापालिकेच्या www.pcmcindia.gov.in (सर्वसाधारण माहिती सारथी दिव्यांग किरण) या अधिकृत संकेतस्थळावर उपलब्ध करून देण्यात आली आहे.

 पिंपरी-चिंचवड शहरातील दिव्यांग व्यक्तींचे सर्वेक्षण, त्यांना संगणकीय प्रणालीद्वारे ऑनलाईन दिव्यांग प्रमाणपत्र व युडीआयडी कार्ड ओळखपत्र देण्यासाठी महापालिकेच्या वतीने 10 ते 31 मे या कालावधीत विशेष मोहिम राबविण्यात येणार आहे.दिव्यांग व्यक्तींनी सर्वेक्षण फॉर्म भरणे बंधनकारक असून दिव्यांग प्रमाणपत्र व युडीआयडी कार्ड करीता www.swavlambancard.gov.in या संकेतस्थळावर जाऊन आपले दिव्यांग प्रमाणपत्र व कार्ड प्राप्त करून घ्यावे, अशी माहिती नागरवस्ती विकास योजना विभागाचे उपआयुक्त अजय चारठाणकर यांनी दिली.