नागरिकांचा स्वयंस्फुर्तीने स्वच्छता, कचरा विलगीकरण मोहिमेत सहभाग वाढतोय : अतिरिक्त आयुक्त जितेंद्र वाघ
नागरिकांचा स्वयंस्फुर्तीने स्वच्छता, कचरा विलगीकरण मोहिमेत सहभाग वाढतोय : अतिरिक्त आयुक्त जितेंद्र वाघ
पिंपरी, दि. ८ डिसेंबर २०२२:- स्वच्छतेचे महत्व आता नागरिकांना पटायला लागले असून नागरिक स्वयंस्फुर्तीने स्वच्छता व कच-याचे विलगीकरण मोहिमेत सहभागी होत आहेत. शहरातील प्रत्येक घटकापर्यंत स्वच्छतेबाबत माहिती पोहचविल्यास महापालिकेला स्वच्छतेच्या मोहिमेत नक्कीच यश मिळेल, असा विश्वास अतिरिक्त आयुक्त जितेंद्र वाघ यांनी व्यक्त केला.
पिंपरी चिंचवड महापालिकेच्या वतीने पिंपळे गुरव येथील नटसम्राट निळू फुले रंगमंदिर येथे शहरातील स्वच्छता आणि कचऱ्याचे विलगीकरण करण्याबाबत नागरिकांमध्ये जनजागृती होण्यासाठी नियुक्त करण्यात आलेल्या आयईसी संस्थांच्या कर्मचाऱ्यांना प्रशिक्षण कार्यशाळेचे आयोजन करण्यात आले होते,
त्यावेळी मार्गदर्शन करताना श्री. वाघ बोलत होते. यावेळी उपआयुक्त अजय चारठाणकर, स्वच्छ सर्वेक्षण समन्वयक विनोद जळक, क्षेत्रीय अधिकारी सुचिता पानसरे, सोनम देशमुख, अण्णा बोदडे, उमाकांत गायकवाड, राजेश आगळे, शितल वाकडे, विजयकुमार थोरात यांच्यासह सर्व क्षेत्रीय कार्यालयांचे सहायक आरोग्य अधिकारी, आरोग्य निरीक्षक, महापालिकेचे कर्मचारी, बेसिक्स, डिवाईन, जनवाणी, ऑल इंडिया इन्सटीटयूट आयईसी संस्थांचे कर्मचारी उपस्थित होते.
अतिरिक्त आयुक्त जितेंद्र वाघ म्हणाले, पिंपरी चिंचवड महापालिकेच्या वतीने शहरात स्वच्छ सर्वेक्षण २०२३ च्या अनुषंगाने विविध उपक्रम राबविण्यात येत आहेत. कचरा विलगीकरण करणा-या नागरिकांच्या संख्येत कमालीची वाढ झाली आहे. अद्यापही काही नागरिक कचरा विलगीकरण संबंधी सूचनांचे पालन करत नसल्याचे निदर्शनास आले आहे
