चिंचवड विधानसभा: शंकर जगताप यांच्या उमेदवारीवर भाजपचा शिक्का,अधिकृत घोषणा बाकी
चिंचवड विधानसभा पोटनिवडणूक शंकर जगताप यांची उमेदवारीवर भाजपचा शिक्का, अधिकृत घोषणा बाकी
चिंचवड विधानसभा पोटनिवडणुकीची घोषणा झाल्यानंतर , भारतीय जनता पार्टीकडून चिंचवड विधानसभा निवडणूक प्रभारी आणि माजी नगरसेवक शंकर जगताप यांची उमदेवारी भाजप राज्य पातळीवरील बैठकीत ठरले आहे मात्र, अधिकृत घोषणा लवकरच करण्यात येईल अशी माहिती भाजप मधील सूत्रांनी दिली
मिळालेल्या माहितीनुसार भाजपाच्या पदाधिकारी आणि कार्यकर्त्यांनी त्यादृष्टीने कामाला लागण्याची सूचना प्रदेश कमिटी ने दिल्या आहेत पोटनिवडणुकीची घोषणा होताच महाविकास आघाडीतील इच्छुकांनी दंड थोपाटले आहेत. ही निवडणूक बिनविरोध व्हावी. याकरिता प्रयत्न सुरू असताना राष्ट्रवादीतून माजी विरोधी पक्षनेते नाना काटे यांनी निवडणूक लढवण्याची तयारी दर्शवली आहे. दुसरीकडे, शिवसेनेचे माजी गटनेते राहुल कलाटे यांनीही मोर्चेबांधणी सुरू केली आहे.
चिंचवडचे आमदार लक्ष्मण जगताप यांचे ३ जानेवारी २०२३ रोजी निधन झाले. त्यांच्या निधनानंतर रिक्त झालेल्या जागेसाठी अवघ्या १५ दिवसात अनपेक्षितपणे पोटनिवडणूक जाहीर झाली. २७ फेब्रुवारीला मतदान, तर २ मार्चला मतमोजणी होणार आहे. चिंचवडमध्ये ५ लाख ६६ हजार ४१५ मतदार आहेत. तर ३ लाख १ हजार ६४८ पुरुष, २ लाख ६४ हजार ७३२ महिला आणि ३५ इतर मतदार आहेत. हेच मतदार आता चिंचवडचा नवीन आमदार ठरविणार आहेत.
त्यामुळे भाजपात दोन गट निर्माण झाले आहेत, अशी चर्चा आहे. मात्र, भाजपात असा कोणताही गट-तट नाही. शंकर जगताप हेच भाजपाचे उमेदवार आहेत. निवडणूक झालीच, तर ती जिंकायचीच, असा निर्धार भाजपाच्या गोपनीय बैठकीत झाला असल्यामुळे शंकर जगताप यांची उमेदवारी निश्चित मानली जात आहे
