आर्किटेक्ट नरेंद्र डेंगळे आणि इंजिनियर कुमार गेरा यांना जीवनगौरव -‘आर्किटेक्ट,इंजिनियर्स अँड सर्व्हेअर्स असोसिएशन’ची घोषणा
नरेंद्र डेंगळे आणि इंजिनियर कुमार गेरा यांना जीवनगौरव* ——————-*’आर्किटेक्ट,इंजिनियर्स अँड सर्व्हेअर्स असोसिएशन’ची घोषणा
* ——————सतीश मगर यांच्या हस्ते १७ फेब्रुवारी रोजी कार्यक्रम
पुणे :’आर्किटेक्ट,इंजिनियर्स अँड सर्व्हेअर्स असोसिएशन’ कडून दरवर्षी दिल्या जाणाऱ्या जीवनगौरव पुरस्कारांची घोषणा करण्यात आली असून ज्येष्ठ आर्किटेक्ट नरेंद्र डेंगळे(नरेंद्र डेंगळे असोसिएट्स) , ज्येष्ठ सिव्हिल इंजिनियर कुमार गेरा(गेरा डेव्हलपमेंट्स प्रा.लि.) यांना यावर्षी हा सन्मान जाहीर करण्यात आला आहे.
उपाध्यक्ष राजीव राजे,सचिव संजय तासगांवकर, विश्वस्त दिवाकर निमकर,खजिनदार हेमंत खिरे यांनी ही माहिती दिली. दि १७ फेब्रुवारी रोजी पी वाय सी हिंदू जिमखाना टेरेस येथे सायंकाळी ६ वाजता ‘क्रेडाई इंडिया’ चे राष्ट्रीय अध्यक्ष सतीश मगर यांच्या हस्ते जीवनगौरव पुरस्कारांचे वितरण करण्यात येणार आहे.
सन्मानचिन्ह, मानपत्र,शाल असे या पुरस्काराचे स्वरूप आहे. आपल्या क्षेत्रात उल्लेखनीय योगदान देणाऱ्या प्रत्येकी एक ज्येष्ठ आर्किटेक्ट आणि एक ज्येष्ठ इंजिनियर यांचा जीवनगौरव पुरस्कार देऊन दरवर्षी सन्मान केला जातो
.या पुरस्कारांचे हे १६ वे वर्ष आहे.*’आर्किटेक्ट,इंजिनियर्स अँड सर्व्हेअर्स असोसिएशन’:५३ वर्षांची परंपरा* ‘आर्किटेक्ट,इंजिनियर्स अँड सर्व्हेअर्स असोसिएशन’ ही ५३ वर्षांपूर्वी स्थापन झालेली संस्था आहे. बांधकाम क्षेत्रातील गुणवत्तापूर्ण आणि नीतिमान सेवांना उत्तेजन देणे हा या संस्थेचा उद्देश आहे.
पुण्याच्या सर्वांगीण विकासात योगदान देऊन नागरी,सामाजिक प्रश्नांवर कार्यरत राहण्यासाठी ही संस्था स्थापन झाली.सभासदांची वर्गणी आणि प्रयोजकत्वातून विविध उपक्रम आयोजित केले जातात. त्यामध्ये चर्चासत्रे,प्रशिक्षण ,विविध पुरस्कारांचा समावेश आहे.