पिंपरी चिंचवड महानगपालिकेच्या उद्यान निरीक्षक किरण मांजरे याला 17 हजाराची लाच घेताना ACB कडून अटक

पिंपरी चिंचवड महानगपालिकेच्या उद्यान निरीक्षक किरण मांजरे याला 17 हजाराची लाच घेताना ACB कडून अटक

पिंपरी (परिवर्तनाच सामाना ) पिंपरी चिंचवड महानगपालिकेच्या उद्यान निरीक्षक किरण मांजरे याला 17 हजाराची लाच घेताना ACB कडून सापळा रचून अटक करण्यात आली आहे कॉन्ट्रॅक्टरकडून 17 हजाराची लाच घेताना पिंपरी-चिंचवड महानगरपालिकेतील सहाय्यक उद्यान निरीक्षकास अ‍ॅन्टी करप्शनच्या पथकाने रंगेहाथ पकडले आहेत. त्यांच्याविरूध्द भोसरी एमआयडीसी पोलिस स्टेशनमध्ये गुन्हा दाखल करण्यात आला असून त्यांना अटक करण्यात आली आहे. किरण अर्जुन मांजरे (46, पद – सहाय्यक उद्यान निरीक्षक, पिंपरी-चिंचवड महानगरपालिका, पुणे) असे लाच घेणार्‍याचे नाव आहे. याबाबत अधिक माहिती अशी की, तक्रारदार हे कॉन्ट्रॅक्टर असून त्यांनी पिंपरी-चिंचवड महानगरपालिकेच्या उद्यानामध्ये केलेल्या देखभालीच्या कामाचे बिल मंजूर करण्यासाठी मांजरे यांच्याकडे विनंती केली होती.किरण मांजरे यांनी त्यासाठी तक्रारदाराने 17 हजार रूपयाच्या लाचेची मागणी केली. तक्रारदाराची लाच देण्याची इच्छा नसल्याने त्यांनी अ‍ॅन्टी करप्शन विभागाकडे तक्रार दिली होती. प्राप्त तक्रारीची पडताळणी करण्यात आली. सापळा रचल्यानंतर सरकारी पंचासमक्ष सहाय्यक उद्यान निरीक्षक किरण मांजरे यांनी तक्रारदाराकडून 17 हजार रूपये घेतले. त्यांना रंगेहाथ पकडण्यात आले. त्यांच्याविरूध्द भोसरी एमआयडीसी पोलिस स्टेशनमध्ये गुन्हा दाखल करण्यात आला आहे. ही कारवाई पुणे परिक्षेत्राचे पोलिस अधीक्षक अमोल तांबे अप्पर पोलिस अधीक्षक डॉ. शीतल जानवे-खराडे यांच्या मार्गदर्शनाखाली पोलिस निरीक्षक श्रीराम शिंदे, पोलिस नाईक सुनिल सुरडकर, पोलिस अंमलदार सौरभ महाशब्दे,पोलिस अंमलदार चालक पांडुरंग माळी यांच्या पथकाने केली आहे.