कार्यकारी अभियंता पदोन्नती,बदल्यामध्ये आर्थिक गैरप्रकार झाल्याने अतिरिक्त आयुक्त जितेंद्र वाघ यांची तडकाफडकी बदली

पिंपरी (ऑनलाईन परिवर्तनाच सामना ) पिंपरी चिंचवड महानगरपालिका प्रशासनातील अत्यंत कार्यक्षम अधिकारी अतिरिक्त आयुक्त जितेंद्र वाघ यांची तडकाफडकी झाल्याने एकच खळबळ उडाली आहे.अतिरिक्त आयुक्त वाघ यांच्याकडे प्रशासनाचा पदभार असल्याने नुकत्याच झालेल्या कार्यकारी आभियंता पदोन्नती, आणि अभियंता बदली मध्ये आर्थिक गैर प्रकार झाल्याची चर्चा पालिका वर्तुळात चालू होती. तशा तक्रारी काही अधिकारी यांनी मंत्रालयात, आणि उपमुख्यमंत्री अजीत पवार यांच्याकडे केल्या होत्या,त्यामुळेच बदली झाली असल्याची चर्चा महापालिकेत दबक्या आवाजात सुरु आहे

राज्याच्या सत्ता समीकरणात झालेल्या बदलाचे हे पडसाद असल्याची चर्चा सुरू झाली असून जितेंद्र वाघ यांची बदली त्याचं अनुषंगाने असल्याचं बोललं जात आहे

.पिंपरी चिंचवड महापालिकेवर सद्या प्रशासकीय राजवट सुरू आहेअतिरिक्त पदी असलेले वाघ हे अत्यंत कार्यकुशल आणि लोकाभिमुख अधिकारी म्हणून ओळखले जात होते. मात्र त्यांचा काळात भाजपा विरोधात काम करणाऱ्या नगरसेवक वा कार्यकर्ते यांची कामे होत नसल्याची तक्रार उपमुख्यमंत्री अजीत पवार यांच्याकडे केल्या होत्या त्यामुळे त्यांचा कार्यकाळ संपण्यापूवीं च आज संध्याकाळी त्यांची तडकाफडकी बदली करण्यात आली त्यामुळे महापालिका वर्तुळात चर्चेला उधाण आलंय

विशेष म्हणजे जितेंद्र वाघ यांना पुढे कोणत्या विभागाची आणि पदाची जबाबदारी देण्यात आली. या बद्दल कुठलीही माहिती आदेशात दिल्या गेली नाही. नगर विकास विभागाच्या उपसचिव प्रियंका कुलकर्णी – छापवाले यांच्या स्वाक्षरीने वाघ यांची बदली करण्यात आली.

जितेंद्र वाघ यांच्या जागी सोलापूर महानगर पालिकेतील उपायुक्त विजय खोराटे या अभ्यासू अधिकाऱ्याची वर्णी लागली आहे. त्यांनी यापूर्वी पिंपरी महापालिकेत आकाशचिन्ह व परवाना विभाग, भुमी व जिंदगी विभागात सहाय्यक आयुक्त म्हणून कामकाज पाहिले आहे.