पिंपरी चिंचवड महापालिकेचे आयुक्त शेखर सिंह यांची कुंभमेळा आयुक्तपदी वर्णी,

ऑनलाईन न्यूज परिवर्तनाचा सामना )

चिंचवड महापालिकेच्या आयुक्त पदाचा पदभार आता श्रावण हर्डीकर यांच्याकडे सोपविण्याचे आदेश देण्यात आलेत. हर्डीकरांकडे सध्या पुणे मेट्रोच्या महासंचालकाचा पदभार आहे. पिंपरी पालिकेवर नव्या आयुक्तांची नियुक्ती होईपर्यंत हर्डीकरांकडे इथला अतिरिक्त चार्ज असेल. शेखर सिंह यांनी पिंपरी पालिकेच्या आयुक्त पदाचा कारभार 3 वर्षे आणि 2 महिने सांभाळला.

पिंपरी चिंचवड महापालिकेचे आयुक्त शेखर सिंह यांची बदली झाली आहे. शेखर सिंह यांची नाशिकमध्ये कुंभमेळा आयुक्त पदावर बदली केली आहे. पिंपरी चिंचवडमधून उचलबांगडी? भाजपशी जवळीक भोवली; IAS शेखर सिंहांची पिंपरी चिंचवड महापालिकेचे आयुक्त शेखर सिंह यांची बदली झाली आहे.

पालिका निवडणुकीची अंतिम प्रभाग रचना जाहीर होऊन चोवीस तास ही उलटले नाहीत, तोवर शेखर सिंह यांची बदली झाली आहे. प्रभाग रचनेत संभाव्य बदल न घडल्यानं ही बदली झाल्याची चर्चा सुरु आहे. शहरातील 32 प्रभागांची जाहीर झालेली रचना ही भाजपसाठी अनुकूल असून अजित पवारांच्या राष्ट्रवादीसाठी प्रतिकूल ठरणार आहे. अजित पवारांच्या अनेक शिलेदारांनी प्रभाग रचनेत बदल घडवण्यासाठी मोठी ताकद लावली होती.

आयुक्त शेखर सिंह यांच्याकडे राष्ट्रवादीच्या पदाधिकाऱ्यांनी ससेमिराही लावला होता. परंतू, पहिल्या दिवसापासून भाजपच्या हिताची कामं करणारे आयुक्त म्हणून ख्याती मिळवलेले शेखर सिंह प्रभाग रचनेत अजित पवारांच्या राष्ट्रवादीला अपेक्षित प्रभाग रचना बनवणार नाहीत, हे उघड होतं

. प्रारुप प्रभाग रचना जाहीर झाली, तेंव्हाच याची प्रचिती सर्वांना आली. 2017ला भाजपला सत्तेत आणण्यात फायद्याची ठरलेली प्रभाग रचना, आत्ता ही कायम ठेवण्यात आली. सूचना आणि हरकतींमध्ये अजित पवारांच्या राष्ट्रवादीचं प्रमाण अधिक होतं, सुनावणीत ही राष्ट्रवादीच्या काही पदाधिकाऱ्यांनी आगपाखड ओखली.

मात्र प्रत्यक्षात तीन प्रभागांमध्ये थोडाफार बदल झाला अन अंतिम प्रभाग रचना प्रसिद्ध करण्यात आली. पण यातून राष्ट्रवादीला अपेक्षित चित्र बदलेल का? भाजपने काबीज केलेला बालेकिल्ला अजित पवारांना पुन्हा मिळवता येईल का? याची शाश्वती कोणीचं देऊ शकत नाही. म्हणूनचं की अंतिम प्रभाग रचना प्रसिद्ध होऊन चोवीस तास ही उलटले नाहीत, तोवर पालिका आयुक्त शेखर सिंह यांच्या बदलीचा आदेश येऊन धडकला.

आयुक्तांची दिल्ली दरबारी जाण्याची इच्छा दाटून आली होती, पण ते त्यांच्या पदरी काय पडलं नाही. आता नाशिक कुंभमेळा आयुक्त म्हणून त्यांची नियुक्ती करण्यात आली आहे. त्यामुळं ‘ही बदली म्हणायची की अंतिम प्रभाग रचना जाहीर झाल्यावर त्यांची उचलबांगडी झाली म्हणायची?’ अशी चर्चा यानिमित्ताने सुरु झालीये

.

प्रशासक म्हणून काम पाहताना त्यांनी शहरासाठी राज्य सरकारचे पुरस्कारही मिळवले. मात्र शहराच्या विकासात खर्ची करण्यात आलेल्या निधीत भ्रष्टाचार झाल्याचे ही अनेक आरोप शेखर सिंह यांच्यावर होते. आगामी महापालिका निवडणुकीत या भ्रष्टाचारावरुन शेखर सिंह यांना घेरण्याची व्ह्यूहरचना विरोधकांनी आखली होती. मात्र तत्पूर्वीच त्यांची बदली झाली

. श्रावण हर्डीकर यांनी सुद्धा पिंपरी चिंचवड पालिकेच्या आयुक्त पदाचा कारभार पाहिलाय. शेखर सिंह जितके भाजपच्या बाजूला झुकलेले दिसले तितके नाही पण जाणवेल इतक्या प्रमाणात हर्डीकरांचा कल ही भाजपच्या बाजूने दिसून आला होता. तसा आरोप ही विरोधक आणि सामाजिक कार्यकर्त्यांनी वेळोवेळी केलाय. हर्डीकरांकडे तात्पुरता चार्ज आल्याने या आरोपांवर पुन्हा एकदा प्रकाश पडणार हे ही तितकंच उघड आहे. आगामी महापालिकेच्या तोंडावर तात्पुरत्या मिळालेल्या कारभारात हर्डीकरांचाही कस लागणार आहे. पिंपरी पालिकेच्या निवडणुकीत महायुतीतील भाजप आणि राष्ट्रवादी हे आमने-सामने उभे ठाकणार आहेत.

अशा परिस्थितीत मुख्यमंत्री म्हणून देवेंद्र फडणवीस की पालकमंत्री म्हणून अजित पवारांच्या आदेशाचे पालन करायचं, असा बाका प्रसंग हर्डीकरांवर येऊ शकतो. मात्र अशा प्रसंगाना हाताळण्यात त्यांचा हातखंडा आहे, पण सध्याची वेळ महापालिका निवडणुकीची आहे. त्यामुळं या कचाट्यात अडकू नये, म्हणून हर्डीकर हे तोलून मापून, अगदीच गरज असेल तेंव्हाच निर्णय घेण्याची शक्यता आहे.