पिंपरी-चिंचवड महापालिकेच्या सहाय्यक आयुक्त व्यंकटेश दुर्वास यांचा राजीनामा

पिंपरी-चिंचवड- सीओ’ केडरचे पिंपरी-चिंचवड महापालिकेचे सहाय्यक आयुक्त व्यंकटेश दुर्वास यांनी वैयक्तिक कारणास्तव राजीनामा देत असल्याचे त्यांनी राजीनामा पत्रात म्हटले आहे . 22 फेब्रुवारी 2021 रोजी त्यांनी राज्य सरकारकडे राजीनामा सुपूर्द केला.

. . वसई-विरार महापालिकेतून सहाय्यक आयुक्त व्यंकटेश दुर्वास यांची पदोन्नतीने 18 जानेवारी 2021 रोजी पिंपरी-चिंचवड महापालिकेत बदली झाली होती. 19 जानेवारी रोजी वसई-विरार व्यंकटेश दुर्वास यांना पिंपरी महापालिकेत 25 जानेवारी रोजी रुजू करुन घेण्यात आले. त्यांच्याकडे माहिती व जनसंपर्क आणि पशुवैद्यकीय विभागाचे कामकाज सोपविण्यात आले होते. मात्र, महापालिकेत रुजू झाल्यानंतर महिन्याभराच्या आतच दुर्वास यांनी राजीनामा दिला.

आपण वैयक्तिक कारणास्तव मुख्याधिकारी गट-अ’ या पदाचा 22 फेब्रुवारी 2021 रोजी राज्य सरकारकडे राजीनामा सुपूर्द केला आहे. त्यामुळे मी पिंपरी-चिंचवड महापालिकेत सहाय्यक आयुक्त या पदावर काम करु शकत नसल्याचे दुर्वास यांनी महापालिका आयुक्त राजेश पाटील यांना पत्राद्वारे कळविले आहे.