पिंपरी चिंचवड मध्ये 40 वर्ष भाजपाची सेवा केली हीच आमची चूक का?होर्डिंगच्या माध्यमातून नगरसेवकाची नाराजी उघड

पुणे |

पिंपरीत (प्रतिनिधी ) सध्या भाजपच्या एका नगरसेवकाचं होर्डिंग चर्चेचा विषय ठरत आहे. होर्डिंगच्या माध्यमातून या नगरसेवकाने आपली नाराजी जाहीरपणे उघड केली आहे. रवी बाबासाहेब लांडगे असं नगरसेवकाचं नाव आह सत्ताधारी भाजपचे नगरसेवक रवी लांडगे यांनी हे होर्डिंग लावले आहेत. यामध्ये 40 वर्षांपासून आमचं कुटुंब भाजपची सेवा करतंय हे आमचं चुकलं का?, सोयीचं राजकारण नाही तर स्वाभिमानी राजकारण अंगीकृत केलं हे आमचं चुकलं का?, असं होर्डिंगवर लिहिण्यात आलं आहे.हे पोस्टर रवी लांडगे यांनी आपल्या फेसबुकवरसुद्धा पोस्ट केले आहेत. तर समर्थकांनी #WeSupportRaviLandge असा हॅशटॅग वापरला आहे

रवी लांडगे कशामुळे नाराज आहेत तर, महानगरपालिकेची स्थायी समिती अध्यक्षपदाची निवडणूक पार पडली. यामध्ये स्थायी समिती अध्यक्षपदासाठी रवी लांडगेंचं नाव आघाडीवर होतं मात्र त्यांना डावलत इतरांना अध्यक्षपद देण्यात आलं. यामुळे रवी लांडगे दुखावले गेले होते त्यामुळे त्यांच्या समर्थकांनी शहरभर नाराजीचे होर्डिंग लावले आहेत दरम्यान, येत्या महानगरलपालिकेच्या निवडणुकीवर याचे पडसाद उमटण्याची शक्यता आहे. कारण या होर्डिंगची चर्चा स्थानिक राजकारणात मोठ्या प्रमाणात होत आहे. .