पुण्यातील गोल्डमॅन दत्ता फुगे हत्या प्रकरणातील आरोपीना अखेर बेड्या

पुणे :: गोल्डमॅन दत्ता फुगे हत्या प्रकरणात प्रमोद उर्फ कक्काल धोलपुरिया आणि त्याचे साथीदार प्रसन्ना उर्फ सोनू ज्ञानेश्वर पवार, अंकुश डांगले अशी अटक केलेल्या आरोपींची नावे आहेत. पोलीस कर्मचारी गणेश सावंत यांना मिळालेल्या माहिती नुसार आरोपींना सापळा लावून अटक करण्यात आली.

आरोपीकडून तीन पिस्तूल आणि सहा जिवंत काडतुसे हस्तगत करण्यात पिंपरी चिंचवडमधील भोसरी पोलिसांना यश आले आहे. पुण्यातील गोल्डमॅन दत्ता फुगे यांची जुलै 2016 मध्ये दगडाने ठेचून निर्घृण हत्या करण्यात आली होती. यामुळे पुण्यासह राज्यभरात एकच खळबळ उडाली होती

पद्धतशीरपणे कट रचून फुगे यांची हत्या करण्यात आल्याचे त्यांचा मुलगा शुभमने सांगितले होते. विशेष म्हणजे दत्ता फुगे यांचा मुलगा शुभमच या प्रकरणात महत्त्वाचा साक्षीदारही आहे. त्यांची पत्नी सीमा फुगे या माजी नगरसेविका आहेत.अंगावर सोन्याचे दागिने घालण्याच्या हौसेमुळे ते पिंपरीचे गोल्डमॅन म्हणून ओळखले जात होते. सुमारे साडेतीन किलो सोन्याचा शर्ट बनवून विश्वविक्रम नोंदवल्याने ते प्रसिद्धी झोतात आले होते.

. .