निलंबनाच्या कारवाई नंतर एसटीच्या पुन्हा कर्मचारी कामावर हजर….

पुणे : निलंबनाच्या कारवाईनंतर एसटीच्या पुणे विभागातील 13 डेपोंमधील 325 कर्मचारी पुन्हा कामावर हजर झाले आहेत. यात प्रशासन विभाग, यांत्रिकी विभाग, विभागीय कार्यालय, विभागीय कार्यशाळेतील कर्मचार्‍यांचा समावेश आहे. मात्र, चालक-वाहकांचा काम बंद आंदोलनअजूनही कायम आहे.

शासनाच्या आदेशानुसार एसटी प्रशासनाने कर्मचार्‍यांच्या निलंबनाचे सत्रच सुरू केले आहे. यामुळे शुक्रवारी एसटीच्या पुणे विभागातील काही कर्मचारी पुन्हा कामावर हजर होत आहेत. आतापर्यंत 325 कर्मचारी पुन्हा कामावर हजर झाले आहेत. त्यामुळे आता एसटी कर्मचार्‍यांचा संपाला यश मिळणार की नाही, याबाबत प्रश्नचिन्ह निर्माण झाले आहे.

– पुणे विभागातील डेपो – 13

– पुणे विभागातील एकूण कर्मचारी – 4 हजार 281

– कामावर हजर झालेले कर्मचारी – 325

– अजूनही संपात असलेले कर्मचारी – 3 हजार 956

टक्केवारीनुसार हजर झालेले कर्मचारी

– प्रशासकीय विभाग – 70 टक्के हजर
– यांत्रिकी विभाग – 5 टक्के हजर
– चालक-वाहक – 0 टक्के हजर

स्वारगेट डेपोतील हजर कर्मचारी

– प्रशासकीय विभाग – 6
– यांत्रिकी विभाग – 5
– चालक-वाहक – नाही

शिवाजीनगर (वा.)/ पुणे स्टेशन येथील हजर कर्मचारी

– प्रशासकीय विभाग – 7
– यांत्रिकी विभाग – 3
– चालक-वाहक – नाही

पिंपरीतील वल्लभनगर येथील हजर कर्मचारी

– प्रशासकीय विभाग – 12
– यांत्रिकी विभाग – 3
– चालक-वाहक – नाही

Latest News