वंचित बहुजन आघाडी, मावळ लोकसभेसाठी उमेदवार देणार…

पिंपरी :  (ऑनलाईन परिवर्तनाचा सामना)

-शिवसेना आणि राष्ट्रवादी काँग्रेसच्या उमेदवारांमध्ये लढत झाली होती. आता राजकीय परिस्थिती बदलली असून दोन्ही शिवसेनेतच लढत होणार आहे पुणे, शिरुरमध्ये उमेदवार दिल्यानंतर आता मावळ लोकसभा मतदारसंघामध्येही वंचित बहुजन आघाडीकडून उमेदवार दिला जाणार आहे. येत्या दोन दिवसात उमेदवार जाहीर केला जाणार असल्याचे वंचितकडून सांगण्यात आले.

यांच्या शिवसेनेने विद्यमान खासदार श्रीरंग बारणे यांना उमेदवारी दिली आहे. तर, महाविकास आघाडीकडून ठाकरे गटाचे संजोग वाघेरे यांना उमेदवारी दिली आहे. मावळमध्ये दुरंगी लढत होईल असे वाटत असतानाच आता वंचितही निवडणुकीच्या रिंगणात उतरणार आहे. त्यामुळे निवडणूक तिरंगी होण्याची शक्यता असून चूरस निर्माण होईल असे दिसते.

संपूर्ण मावळ लोकसभा मतदारसंघात वंचितला मानणारा लाखभर मतदार आहे. मागीलवेळी घाटाखालील म्हणजेच रायगड जिल्ह्यातील राजाराम पाटील यांनी वंचिकडून निवडणूक लढविली होती. पाटील यांनी तिसऱ्या क्रमांकाची ७५ हजार ९०४ मते मिळवित लक्ष वेधून घेतले होते.

त्यांनी चिंचवड आणि पिंपरी विधानसभा मतदारसंघात अनुक्रमे १७,२०९ आणि १७,७९४ मते घेतली. त्या खालोखाल पनवेलमध्ये १५,९२६ आणि मावळमध्ये ११,७३१ मते मिळविता आली. उरण आणि कर्जतमध्ये त्यांना दहा हजारांपेक्षा कमी मते मिळाली होती. पाटील यांनी प्रचार केला नव्हता. तरी, देखील ७६ हजार मते मिळाली होती.

मावळमध्ये दोन्ही शिवसेनेचे उमेदवार रिंगणात आहेत. वंचितला मानणारा मतदार हा राष्ट्रवादी काँग्रेसच्या पाठीशी होता. आता वंचितचा उमेदवार निवडणूक रिंगणात येणार असल्याने त्याचा फटका महाविकास आघाडीकडून लढत असलेल्या ठाकरे गटाच्या संजोग वाघेरे यांना बसू शकतो,