पुणे शहरात सात पोलीस ठाणी सुरु झाल्यानंतर त्या ठिकाणी नवीन पदे भरण्यास शासनाची मान्यता…
ऑनलाईन परिवर्तनाचा सामना-
पुण्यातील नवीन झालेल्या सात पोलीस स्टेशनला नवनियुक्त पोलीस वरिष्ठ निरीक्षक मिळाले आहेत. गृहमंत्री देवेंद्र फडणीस अन् पालकमंत्री अजित पवार यांनी उद्घाटन केल्यानंतर दसऱ्यापासून या पोलीस ठाण्यांचे कामकाज सुरु झाले आहे.
पुणे शहरातील गुन्हेगारी काही महिन्यांपासून वाढली आहे. हत्या, अत्याचार, दरोडे, कोयता हल्ले वाढले आहेत. पुण्यातील गुन्हेगारी मोडीत काढण्यात पुणे पोलिसांना यश येत नाही. परंतु आता गुन्हेगारांना वचक बसणारा निर्णय लागू झाला आहे. दसऱ्याच्या दिवशी पुणे पोलीस दलात मोठा बदल झाला आहे. पुणे पोलीस आयुक्तालयाच्या अखत्यारित नव्याने सात पोलीस ठाणी दसऱ्यापासून सुरु झाली आहे. शुक्रवारी गृहमंत्री देवेंद्र फडणवीस आणि उपमुख्यमंत्री तथा पुण्याचे पालकमंत्री अजित पवार यांनी या पोलीस ठाण्यांचे उदघाटन केल्यानंतर शनिवारी सात वरिष्ठ पोलीस निरीक्षकांची नियुक्ती केली आहे. दहा वर्षानंतर आयुक्तालयात बदल पुणे पोलीस आयुक्तालयात दहा वर्षांनंतर बदल झाला आहे. आता आंबेगाव, नांदेड सिटी, बाणेर, खराडी, वाघोली, काळेपडळ आणि फुरसुंगी ही सात पोलीस ठाणे सुरू झाली आहे. यामुळे इतर मोठ्या पोलीस ठाण्यांवरील कामाचा ताण कमी होणार आहे.हे सुद्धा वाचा
- दोन हजार ८८६ सीसीटीव्हींसाठी ४३३ कोटींच्या निधीला मंजुरी
- नवीन पोलीस आयुक्तालय इमारत उभारणीसाठी १९३ कोटी
- बंडगार्डन पोलीस ठाण्याची इमारत उभारणीसाठी २९ कोटी
- पोलीस ठाण्यांच्या इमारतीसाठी एकूण ६० कोटी
- शरद झीने आंबेगाव पोलीस ठाण्याच्या वरिष्ठ पोलीस निरीक्षक पदावर.
- अतुल भोस वरिष्ठ पोलीस निरीक्षक नांदेड सिटी.
- महेश बोलकोटगी वरिष्ठ पोलीस निरीक्षक बाणेर.
- संजय चव्हाण वरिष्ठ पोलीस निरीक्षक खराडी.
- पंडित रजेतवाड वरिष्ठ पोलीस निरीक्षक वाघोली.
- मंगल मोढवे वरिष्ठ पोलीस निरीक्षक फुरसुंगी.
- मानसिंग पाटील वरिष्ठ पोलीस निरीक्षक काळेपडळ.
