40 भाजप समर्थकांचा काँग्रेसमध्ये प्रवेश हार्दिक पटेल यांचा दे धक्का

गुजरातच्या राजकोटमध्ये नगरपालिका निवडणुका होणार आहेत. या निवडणुकीआधीही कॉंग्रेसचे कार्याध्यक्ष हार्दिक पटेल यांनी भाजपला मोठा धक्का दिला आहे. कॉंग्रेसमध्ये 40 सदस्यांनी प्रवेश केला आहे. या सदस्यांपैकी 20 जण सक्रिय भाजप कार्यकर्ते आणि चार भाजप नेते आहेत.

नगर बोर्डींगमधील सदस्यत्वाचा कार्यक्रम गुरुवारी घेण्यात आला. राजकोट कॉंग्रेसचे अध्यक्ष अशोक डांगर म्हणाले की, ‘भाजपच्या सल्लागार दक्षा भेसनिया आणि अन्य सर्व एबीव्हीपीचे राजकोट प्रभाग-4 चे पदाधिकारी आहेत.’ आणखी काही लोक कॉंग्रेसमध्ये येऊ शकतात

अशोक डांगर म्हणाले की, आणखी काही भाजप सदस्य आणि 4-5 नगरसेवकही लवकरच कॉंग्रेसमध्ये सहभागी होतील. राजकोट मार्केटिंग यार्ड ट्रेडर्स असोसिएशनचे अध्यक्ष अतुल कमानी आणि सामाजिक कार्यकर्ते चांदनी लिंबासिया हेही कॉंग्रेसमध्ये सहभागी होतील. ‘काहीही काम केले नाही’ हार्दिक पटेल म्हणाले, ‘राजकोट महानगरपालिकेत बऱ्याच वर्षांपासून भाजप सत्तेत आहे, पण लोकांच्या मूलभूत समस्याही सोडवत नाहीत. तुटलेले रस्ते, पाणी साचणे, शिक्षण आणि आरोग्याशी संबंधित समस्यांसह लोक झगडत आहेत.’

हार्दिक म्हणाले की, भाजपचे अध्यक्ष सीआर पाटील यांनी पक्षाला फायदा व्हावा यासाठी सौराष्ट्रात मोर्चा काढला, त्यामुळे बर्‍याच सामान्य लोकांना विनाकारण कोरोना विषाणूची लागण झाली. लोकांचा भाजपशी असलेला संबंध गमावला आहे. भाजपपासून दूर पडून ते आता कॉंग्रेसमध्ये येत आहेत.