प्रजासत्ताक दिनानिमित्त खादी सप्ताह, जिजाऊ संस्थेतर्फे हिराबागेत खादी प्रदर्शन, विक्री केंद्राचे उद्घाटन

पुणे :महाराष्ट्र खादी ग्रामोद्योग मध्यवर्ती संघ जिजाऊ महिला सहकारी संस्था, हिराबाग, टिळक रस्ता येथे खादी प्रदर्शन, विक्री केंद्राचे उद्घाटन माजी महापौर कमल व्यवहारे, काँग्रेसचे माजी पुणे शहराध्यक्ष अभय छाजेड यांच्या हस्ते गुरुवारी , २७ जानेवारी रोजी, सकाळी ११ वाजता झाले.

यानिमित्त महात्मा गांधी यांच्या प्रतिमेला पुष्पहार अर्पण करून खादी सप्ताहाचे उद्घाटन करण्यात आले.खादी कापडाचे प्रदर्शन व विक्री
गुरुवार दि. २७जानेवारी ते दि. ३१ जानेवारी 2022 दरम्यान
सकाळी 10 ते रात्री 8 वाजे पर्यंत सुरू राहणार आहे.

 विविध प्रांतातील वेगवेगळ्या दर्जाच्या शुद्ध पर्यावरणपूरक खादी वस्त्रांचे, तयार कपडे उपलब्ध आहेत. नव-नवीन डिझाईनचे शर्ट, गांधी टी- शर्ट, कुर्ता, पायजामा, जॅकेट आहेत.लुंगी, टॉवेल, शर्टिंग व कोटिंग उपलब्ध आहे.

साड्यांमध्ये खादी साडी, कोसा साडी, सिल्क साडी प्रदर्शनात आहे.ड्रेस मटेरियल, लेडिज टॉप, रुमाल, बेडशीट, खेस चादरी, स्प्रे-दरी, उलन शॉल, कोसा शॉल व लेडीज बॅग यांचा समावेश या प्रदर्शनात आहे.

सुती खादी वर 20 टक्के सूट तर कोसा कापड वर 15 टक्के सूट जाहीर करण्यात आली.

‘ गांधी विचार जपण्यासाठी खादी महत्वाची आहे. प्रत्येकाने किमान एक खादीचे वस्त्र घेऊन गांधी विचाराचे आचरण करावे.पर्यावरण वस्त्र म्हणून त्याचा स्वीकार करा.पुणेकरांनी या केंद्राला भेट देऊन खरेदी करावी ‘, असे आवाहन कमल व्यवहारे यांनी केले. अभय छाजेड यांनी ही मनोगत व्यक्त करून शुभेच्छा दिल्या.

पुणे जिल्हा सर्वोदय मंडळाचे अॅड. संतोष म्हस्के, सुनील शिंदे, अस्लम बागवान, मोहन रजपुत, संदेश दिवेकर, किशोर फुलंबरकर,आरती फुलंबरकर, रसिका राहातेकर, कांबळे उपस्थित होते.
अधिक माहितीसाठी 7875086418 या क्रमांकावर संपर्क साधण्याचे आवाहन करण्यात आले