विषमता, भेदभाव संपले पाहिजेत. :भय्याजी जोशी

*विषमता, भेदभाव संपले पाहिजेत. :भय्याजी जोशी*…

………………………….*संवादाशिवाय समता येणार नाही : प्रा.लिंबाळे*…………………*’मेकर्स ऑफ मॉडर्न दलित हिस्टरी’ मराठी आवृत्तीचे प्रकाशन*

पुणे : ‘मेकर्स ऑफ मॉडर्न दलित हिस्टरी’ या इंग्रजी ग्रंथाच्या ज्येष्ठ पत्रकार सुधीर जोगळेकर यांनी केलेल्या भावानुवादाचे , परम मित्र पब्लिकेशन्स ने प्रकाशित केलेल्या ‘दलित इतिहासाचे आधुनिक शिल्पकार’ या मराठी आवृत्तीचे प्रकाशन भय्याजी जोशी (माजी सरकार्यवाह, राष्ट्रीय स्वयंसेवक संघ) यांच्या हस्ते झाले

.मूळ इंग्रजी पुस्तक सुदर्शन रामबद्रन आणि डॉ. गुरु प्रकाश पासवान यांनी लिहिले असून पेंग्विन रँडम हाऊसतर्फे प्रकाशित झाले आहे.कार्यक्रमाचे अध्यक्षस्थानी पद्मश्री डॉ. मिलिंद कांबळे (संस्थापक अध्यक्ष, दलित इंडियन चेंबर ऑफ कॉमर्स अँड इंडस्ट्रीज – डिक्की) हे होते.विशेष अतिथी म्हणून साहित्यिक शरणकुमार लिंबाळे , प्रा. अनिरुद्ध देशपांडे, सुदर्शन रामबद्रन,डॉ. गुरु प्रकाश पासवान प्रा. डॉ. उज्ज्वला हातागळे ( उपमुख्याध्यापिका,मॉडर्न कनिष्ठ महाविद्यालय, पुणे ) हे उपस्थित होते.

*विषमता, भेदभाव संपले पाहिजेत. :भय्याजी जोशी*……………………..भैय्याजी जोशी म्हणाले, ‘या अनुवादित पुस्तकाच्या वाचनाने अंत : करणाची शोभा वाढली पाहिजे.जे हिंदू समाजजीवनाचे प्रश्न आहेत, ते एकत्रित पाहिले पाहिजेत. देशाबद्दल विचार केला पाहिजे. प्रश्नाला उत्तर शोधणारे उभे राहिले पाहिजे. प्रश्नांना घाबरू नये, ते सोडविणे ही आपली जबाबदारी आहे. ही १८ व्यक्तीमत्वे संवेदनशील व्यक्तीमत्वे आहेत. हे पुस्तक प्रातिनिधिक आहे. ते व्यापक झाले पाहिजे .प्रश्न सोडविण्याची प्रेरणा या व्यक्तीमत्वांकडे पाहून येते. एक निर्दोष समाज आवश्यक आहेत.विषमता, भेदभाव संपले पाहिजेत. आपण सर्व एक आहोत, सर्व हिंदू आहोत, असे म्हटले पाहिजेत. जात, प्रदेशानुसार पाहिले की आपण सव्वाशे कोटी राहत नाही, कमी होतो. वेगळेपणाचा भाव ठेवला की तो विकृत होतो, असे महापुरूषांनी सांगितले आहे.