पिंपरी चिंचवड मधील विद्यापीठास पद्मविभूषण शरदरावजी पवार यांचे नाव द्यावे…
पिंपरी- ऑनलाईन परिवर्तनाचा सामना –
राज्य शासनाच्या मंत्रिमंडळात आज पिंपरी चिंचवड मध्ये विद्यापीठ स्थापन करण्यासंदर्भात निर्णय झाला असून या निर्णयाचे राष्ट्रवादी काँग्रेस क्रीडा सेलच्या वतीने या निर्णयाचे स्वागत करण्यात आले असून या विद्यापीठास पद्मविभूषण शरदरावजी पवार यांचे नाव द्यावे अशी मागणी पिंपरी चिंचवड शहर राष्ट्रवादी काँग्रेसच्या अध्यक्षा सौ. समीता गोरे यांनी मुख्यमंत्री एकनाथराव शिंदे यांच्याकडे केली आहे.
सौ. समिता गोरे यांनी या पत्रात म्हंटले आहे की, पिंपरी चिंचवड साठी स्वतंत्र विद्यापीठ स्थापन करण्यात यावे अशी मागणी राष्ट्रवादी काँग्रेस पक्षाने यापूर्वीच केली आहे राज्यात आघाडी सरकार असताना पिंपरी चिंचवड शहराच्या आजूबाजूला विविध विद्यापीठांसाठी म्हणून जागा देण्याचा निर्णय आघाडी सरकारच्या काळात घेण्यात आला होता परंतु नंतर त्या काळात या निर्णयाला गती मिळाली नव्हती. राज्य मंत्रिमंडळाने आज झालेल्या कॅबिनेट बैठकीत त पिंपरी चिंचवड शहरासाठी स्वतंत्र विद्यापीठ करण्यासंदर्भात निर्णय घेतला आहे मात्र हे विद्यापीठ स्वयं अर्थ सहाय्य विद्यापीठ म्हणून मान्यता दिली आहे. शासनाने या विद्यापीठास नुसती मान्यता देऊन चालणार नसून विद्यापीठाचा अर्थ सहाय्य देण्याची आवश्यकता आहे अशी मागणी सौ समिता गोरे यांनी केली आहे.
देशाचे नेते पद्मविभूषण शरदरावजी पवार यांचा नुकताच ८३ वा वाढदिवस साजरा झाला असून त्यांनी या देशासाठी आजवर केलेल्या योगदानाबद्दल राज्याच्या जनतेच्या वतीने शरदरावजी पवार यांना भेट म्हणून पिंपरी चिंचवड विद्यापीठात त्यांचे नाव द्यावे असे सौ समिता गोरे यांनी आपल्या पत्रकात म्हटले आहे.
