राष्ट्रपतींसाठी आज मतदान.. एकूण मते 10 लाख 81 हजार 991  

नवी दिल्ली : ऑनलाईन परिवर्तनाचा सामना –

राष्ट्रपतींच्या निवडणुकीसाठी आज संसद भवन आणि राज्यांच्या विधानसभांमध्ये मतदान होणार आहे. या निवडणुकीत लोकसभेचे 543 खासदार मतदान करतील तर राज्यसभेचे 233 खासदार मतदान करतील.देशभरातील 4 हजार 33 आमदारही मतदान करणार आहेत, म्हणजेच खासदार आणि आमदार संमिश्र असल्यास एकूण 4 हजार 809 सदस्य राष्ट्रपतीपदाच्या उमेदवाराला मतदान करतील.राष्ट्रपतीपदाच्या निवडणुकीत खासदार आणि आमदारांसह एकूण 10 लाख 81 हजार 991 मते आहेत. राष्ट्रपतीपदाच्या निवडणुकीत विजयाचा बहुमताचा आकडा 5 लाख 40 हजार 996 आहे. मुर्मूंचा विजय निश्चित मानला जात आहे देशाच्या नव्या राष्ट्रपतींसाठी आज मतदान (Presidential Election)होत आहे. त्यासाठी ४,८०० निर्वाचित खासदार-आमदार मतदान करतील. १५ व्या राष्ट्रपतींसाठी एनडीएतर्फे द्रौपदी मुर्मू आणि विरोधकांतर्फे यशवंत सिन्हा उमेदवार आहेत.प्रतिभा पाटील यांच्यानंतर मुर्मू सर्वोच्च घटनात्मक पदावर पोहोचणाऱ्या पहिल्या आदिवासी, दुसऱ्या महिला असतील. एका खासदाराचे मत मूल्य ७०० आहे. आमदाराचे सर्वात कमी ७ (सिक्कीम) पासून सर्वाधिक २०८ (यूपी) पर्यंत आहे.

द्रौपदी मुर्मू (वय ६४) :

ओडिशाच्या आहेत, झारखंडच्या पहिल्या आदिवासी राज्यपाल.

राष्ट्रपतिपदासाठी माझ्या उमेदवारीमुळे १० कोटी आदिवासी खुश आहेत, दिल्लीत मुर्मू यांचे वक्तव्य

यशवंत सिन्हा (वय ८४)

नोकरशहा होते. जनता पक्ष, नंतर भाजपत आले. केंद्रात मंत्री होते.

ही निवडणूक दोन उमेदवारांची नाही, दोन विचारसरणींची आणि आदर्शांची आहे, असे सिन्हा यांनी म्हटले आहे.

• संसद भवनातील 63 क्रमांकाच्या खोलीत मतदानाला सुरुवात होणार आहे
• राज्यांच्या विधानसभांमध्ये आमदारांना मतदान करता येणार आहे.
• 21 जुलै रोजी मतमोजणी होणार असून 25 जुलै रोजी राष्ट्रपतींचा शपथविधी होणार आहे.